पोलीस ठाणे जळकोट येथे जुगारावर छापा . जुगारचे साहित्य,रोख रक्कम असा एकूण 1 लाख 42 हजार रुपयाचा मुद्देमाल हस्तगत.

पोलीस ठाणे जळकोट येथे जुगारावर छापा . जुगारचे साहित्य,रोख रक्कम असा एकूण 1 लाख 42 हजार रुपयाचा मुद्देमाल हस्तगत.

 जळकोट जि लातूर प्रतिनिधी

जळकोट पोलिस स्टेशन येथील तपास पथकाने जुगार आड्यावर छपा मारून मोठी कारवाई केली आहे.

           या बाबत थोडक्यात हकीकत अशी की, पोलीस अधीक्षक निखिल पिंगळे यांनी लातूर जिल्ह्यात अवैध धंद्याविरुद्ध कारवाई करण्याकरिता निर्देशित केले होते.त्या अनुषंगाने अप्पर पोलीस अधीक्षक श्री.अनुराग जैन, उपविभागीय पोलिस अधिकारी ( अहमदपूर चार्ज उदगीर) श्री. डॅनियल बेन यांचे मार्गदर्शनात पोलीस ठाणे जळकोट हद्दीतील अवैध धंद्याविरूद्ध कारवाई करण्याचे अनुषंगाने अधिकारी व अंमलदार यांचे स्वतंत्र पथक तयार करून विशेष मोहीम राबविण्यात येत आहे.

          सदर मोहीम अंतर्गत पथकातील पोलीस अंमलदार यांना वेळोवेळी सूचना व मार्गदर्शन करण्यात आले होते. 

          सदर पथक अवैध धंद्यावर कारवाई करीत असताना पथकास मिळालेल्या माहितीवरून जळकोट पोलीस ठाणे हद्दीतील उमरगा रेतू या ठिकाणी पत्र्याच्या शेड जवळ छापा मारून, स्वतःच्या फायद्यासाठी लोकांकडून पैसे घेऊन पत्त्यावर जुगार खेळत व खेळवीत असताना आढळून आलेले इसम नामे 

1) लक्ष्मीकांत बाळासाहेब मोरे, वय 40

2) अविनाश नागनाथ मुसळे, वय 21 वर्ष

 दोघे राहणार चेरा तालुका जळकोट.

3) दस्तगीर उस्त्तुर सय्यद

4) दत्ता गुणाजी कापसे, वय 65 वर्ष 

दोघे राहणार उमरगा तालुका जळकोट.

यांच्यावर पोलीस ठाणे जळकोट येथे गुन्हा रजिस्टर क्रमांक 03/2022 कलम 12 (अ) मुंबई जुगार कायदा अन्वये गुन्हा दाखल करण्यात आला आहे.

          त्यांच्याकडून जुगाराचे साहित्य व रोख रक्कम असा एकूण 01लाख 42 हजार 300 रुपयांचा मुद्देमाल हस्तगत करण्यात आला असून गुन्ह्याचा पुढील तपास पोलीस स्टेशन जळकोट चे पोलीस अमलदार किशन शेळके हे करीत आहेत.